Laiwe Fröndinnen un Frönde van uese plattdütske Spraoke,

et gaiht wier los. Wi driäpt ues naigste Wiärk, Gunsdag, 28. Harremaond (Januar) üm Klock sieben aobends bi Sültemeyers. Inviteert sin alle Lü, de Plaseer daoan häbbt, äs wier ne Mul vull Platt to küern un dat een of annere Dönken ut üörn Olldag to vertellen.

Wi freit ues auk üöwer nie Lü.

PS Dat häff ik nao vergiätten: Twiärs giegenüöwer van de Engelapteek an de Mönsterstraot find ji eenmaol in´n Maonat niee Afrietriemsel to´t Metniehmen. Bedeint ju män.